En Mosi lætur sér fátt um finnast og liggur þar sem hitarörin koma upp úr kjallaranum.

Slippverkstæðið er rúmlega 300 fermetrar að gólffleti, byggt árið 1934 og búið gömlum tækjum og verkfærum og eru elstu trésmíðavélarnar nær 100 ára gamlar. Dráttarbrautin var keypt notuð frá Akureyri um 1930 og mikið endurnýjuð og stækkuð um 1950. Þar stendur gamalt skip sem upprunalega hét Guðmundur Þórðarsson GK 75, 52 brl., smíðaður í Hafnarfirði 1943.

Heimild siglo.is sjá einnig: http://www.siglo.is/is/frettir/slippurinn_io_eigu

Sigurður Finnsson útgerðarmaður frá Siglufirði samdi við listamennina Ragnar Kjartansson og Ragnhildi Stefánsdóttur um gerð afsteypu af listaverkinu Lífsbjörg. Minnismerkið var síðan steypt í brons í Bretlandi, á það eru skráð nöfn allra siglfirskra sjómanna sem farist hafa frá 1900-1988. Hann stofnaði minningarsjóð um þá. Minnismerkið var staðsett á grasflöt framan við hraðfrystihús Þormóðs ramma hf. og afhjúpað á sjómannadaginn 1988.

Heimild: Sverrir Sveinnson