Hér er Sísí VE 265 að koma ný frá Friðrikssund í Danmörku en hún var smíðuð þar árið 1924. Sísí var kantsettur tvístefnungur og mæld 13 tonn búin 36 hesta Dan vél. Eigandi var Gísla J. Johnsen langafi minn í Vestmannaeyjum.

Ég tel víst að báturinn hafi verið skírður eftir
ömmu sem kölluð var Sísi og hefur verið rétt um tvítugt þegar
báturinn kom nýr.
Mynd og upplýsingarum bátinn: http://batarogskip.123.is/
Aðrar upplýsingar og myndir af Heimaslóð.is

Stórmerkilegar myndir þegar Hafdísin SI 100 nærri 10 tonna bátur var smíðaður í húsi sem var það þröngt að rjúfa þurfti þekjuna til þess að klára stýrishúsið að ofan og koma bátnum út. Húsið var efsta hús bæjarins rétt undir Hvanneyrarskálinni (c.a. þar sem gamla rafstöðin er) Njörður Jóhannsson skipasmiður og völundur lét mig hafa þessar myndir til skönnunar og er ég þakklátur fyrir það. Hann var þáttakandi í þessu ævintýri ásamt afa sínum og Sæma Jóns.

Rjúfa þurfti þekjuna til þess að koma Hafdísinni úr húsi, þarna er sjálfur yfirsmiðurinn Sæmundur Jónsson sem smíðaði bátinn með dyggri aðstoð Njarðar og föðurs síns Jóns frá Lambanesi.

Myndir: Njörður Jóhannsson

Þarna er báturinn kominn út og neðst má sjá skurðinn og plankana sem hann þurfti að fara yfir, Notaður var gamall tré toghleri af öðrum togaranum Hafliða eða Elliða til að fleyta honum yfir skurðinn, og síðan upp á bíl sem flutti hann til sjávar.

Myndir: Njörður Jóhannsson

Margar hendur þurfti til að styðja við bátinn og sést vel hvað báturinn er stór.

Myndir: Njörður Jóhannsson

Hafdísin komin á flot eftir langt ferðalag ofan úr fjalli, fallegur bátur 9,52 brl að stærð.

Myndir: Njörður Jóhannsson

Þarna er verið að hífa Ford vélina um borð og ganga frá henni.

Myndir: Njörður Jóhannsson